Người Thái ở sơn La



ꫛ ꪼꪕ ꪘꪰ꫁ꪉ ꫄ꪎꪙ ꪨꪱ


ꪠꪴ꫁ ꪼꪕ ꪨꪷ꫁ ꪵꪣ꪿ꪙ ꪹꪋ꫁ ꪣꪲ ꪨꪱꪥ ꫛ ꪹꪐꪷꪒ ꪤꪴ꪿ ꪘꪰ꫁ꪉ ꪔꪲ꫁ꪉ ꪹꪎꪷꪙ ꪨꪱ, ꪊꪸ꪿ꪣ ꪭꪮꪒ 54%. ꪹꪋ꫁ ꫛ ꪼꪕ ꪣꪲ ꪎꪮꪉ ꪡꪽ ꪨꪷ꫁ ꪼꪕ ꪒꪾ ꪵꪀ꪿ꪉ ꪼꪕ ꪒ꪿ꪮꪙ (ꪼꪕ ꪄꪱꪫ). ꪼꪕ ꪒꪾ ꪣꪲ ꪨꪱꪥ ꪘꪰ꫁ꪉ ꪹꪣꪉ ꪢ꫁ꪺꪥ, ꪹꪣꪉ ꪩ꪿ꪱ, ꪹꪣꪉ ꪣꪺꪀ, ꪙꪾ꫁ ꪣ꪿ꪱ… ꪼꪕ ꪒ꪿ꪮꪙ ꪣꪲ ꪨꪱꪥ ꪘꪰ꫁ꪉ ꪹꪣꪉ ꪊꪸꪙ, ꪹꪣꪉ ꪎꪱꪉ, ꪹꪣꪉ ꪹꪔꪷꪀ… ꪠꪴ꫁ ꪑꪲꪉ ꪼꪕ ꪼꪅ꫁ ꪙꪲ꫁ ꪑꪰꪉ ꪙꪴ꪿ꪉ ꪹꪎ꫁ ꪀ꫁ꪮꪣ, ꪎꪲ꫁ꪙ ꪒꪾ ꪀꪾꪚ ꪶꪜꪀ ꪜꪸꪫ; ꪤꪸꪉ ꪠꪴ꫁ ꪑꪲꪉ ꪼꪕ ꪒꪾ ꪹꪋꪷ ꪹꪮꪱ ꪠꪺ ꪭꪳ ꪔꪰ꫁ꪉ ꪹꪀ꫁ꪱ. ꪯꪲ꫁ ꪨꪷ꫁ ꪵꪣ꪿ꪙ ꪩꪺꪉ ꪀꪲꪙ ꪙꪴ꪿ꪉ ꪀ꪿ꪱꪥ ꪋꪸꪙ ꪣꪱ ꪵꪔ꪿ ꪜꪱꪉ ꪹꪋ꫁ꪱ. ꫛ ꪼꪕ ꪤꪴ꪿ ꪹꪭꪙ ꪭ꫁ꪱꪙ, ꪣꪲ ꪹꪄꪱ ꪀꪴꪒ ꪘꪰ꫁ꪉ ꪎꪮꪉ ꪙ꪿ꪱꪉ ꪊꪮꪣ ꪹꪭꪙ, ꪣꪰꪀ ꪤꪴ꪿ ꪹꪜꪸꪙ ꪚ꫁ꪱꪙ ꪵꪔ꪿ ꪎꪱꪣ ꪎꪲ꪿ ꪎꪲꪚ ꪭꪮꪒ ꪵꪜꪒ ꪎꪲꪚ ꪨꪱꪉ ꪹꪭꪙ, ꪹꪩꪷꪉ ꪤꪴ꪿ ꪚ꪿ꪮꪙ ꪔꪾ꪿, ꪊꪾ ꪙꪾ꫁, ꪣꪲ ꪶꪕ꪿ꪉ ꪙꪱ ꪀ꫁ꪫꪱꪉ.
ꫛ ꪼꪕ ꪣꪲ ꪭꪲꪒ ꪅꪮꪉ ꪔꪮꪉ ꪋ꫁ꪽ ꪀꪾꪚ ꪩꪺꪉ ꪀꪲꪙ ꪤꪴ꪿ ꪒꪲ ꪋ꪿ꪽ, ꪣꪲ ꪁꪫꪱꪣ ꪜꪱꪀ ꪀꪾꪚ ꪎꪳ ꪎꪱꪙ ꪚ꪿ꪮꪣ ꪹꪊ꫁ꪱ ꪵꪔ꪿ ꪹꪋ꫁ꪱ ꪵꪔ꪿ ꪒꪱꪥ ꪀ꪿ꪱꪥ ꪣꪱ. ꫛ ꪼꪕ ꪣꪲ ꪨꪱꪥ ꪁꪫꪱꪣ ꪶꪕ, ꪁꪫꪱꪣ ꪄꪾꪚ ꪵꪔ꪿ ꪹꪋ꫁ꪱ ꪵꪔ꪿ ꪒꪱꪥ ꪀ꪿ꪱꪥ ꪋꪸꪙ ꪣꪱ ꪼꪫ꫁ ꪹꪏꪉ ꪁꪫꪱꪣ ꪶꪕ ꪹꪣꪉ, ꪼꪔ꪿ ꪜꪴ꪿ ꪹꪎꪷ꪿ꪀ, ꪶꪎ꪿ꪉ ꪋꪴ꫁ ꪎꪮꪙ ꪎꪱꪫ, ꪄꪴꪙ ꪩꪴ ꪙꪱꪉ ꪮ꫁ꪺ, ꪔ꫁ꪱꪙ ꪋꪴ꫁ ꪶꪎ꪿ꪉ ꪹꪎꪉ, ꪔ꫁ꪱꪙ ꪋꪴ꫁ ꪎꪸꪒ ꪹꪎꪉ… ꫛ ꪼꪕ ꪣꪰꪀ ꪮꪲ꫁ꪙ ꪣ꪿ꪺꪙ, ꪣꪰꪀ ꪄꪾꪚ, ꪣꪰꪀ ꪵꪏ, ꪹꪋꪷ ꪣꪲ ꪣ꪿ꪺꪙ ꪁꪷ꫁ ꪄꪾꪚ ꪵꪏ ꪹꪢꪸꪒ ꪀ꪿ꪱ ꪣꪳ꫁ ꪀ꪿ꪱ ꪁꪳꪙ. ꫛ ꪼꪕ ꪣꪰꪀ ꪀꪲꪙ ꪹꪄ꫁ꪱ ꪘꪸꪫ, ꪹꪋ꪿ꪉ ꪘꪳ꫁ꪉ, ꪹꪋ꪿ꪉ ꪜꪲ꫁ꪉ ꪀꪾꪚ ꪄꪮꪉ ꪠꪷ. ꪣꪲ ꪹꪨ꫁ꪱ ꪎꪸꪫ, ꪹꪨ꫁ꪱ ꪎ꪿ꪱ, ꪹꪨ꫁ꪱ ꪫ꫁ꪱꪉ ꪼꪫ꫁ ꪔ꫁ꪮꪙ ꪵꪄꪀ ꪢꪱ ꪤꪱꪣ.